Hao for Enjoyim Hapi Famili Laef

“MI BIN readim Wastaoa and Wekap! magasin for 40 year finis,” Graciela from Argentina, South America hem raet olsem. “Distaem, bihaen planti year, mi savve sei hao olketa barava fitim need bilong mi. Olketa helpem mi from taem mi smol pikinini, long taem mi teenager, taem mi fren and marit, and long taem mi bringimap sixfala pikinini bilong mi.

“Olketa magasin helpem hasband and mi for bringimap fofala pikinini bilong mi wea still stap long hom. Mi iusim gud olketa magasin for story witim olketa pikinini and witim teacher bilong olketa long skul. Mi bin read stret from Wekap! taem mi tok witim olketa doctor abaotem problem long health. Thankiu for olketa article wea garem title long kava “Help for Olketa Pikinini wea Garem Problem for Lane” (February 22, 1997), hem mekem mifala luksavve hao wanfala long olketa girl bilong mitufala garem problem for lane.”

Olketa pablikeson bilong Watch Tower Society savve helpem olketa famili for deal witim planti problem wea olketa kasem and for enjoyim hapi laef tugeta. Olsem example, disfala 192-page buk Secret for Kasem Hapi Famili savve helpem olketa hasband, olketa waef, olketa dadi and mami, olketa pikinini, olketa grandadi and granmami—tru nao, evri member bilong famili. Samfala long olketa gudfala chapter for teach hem olsem: “Trainim Pikinini From Taem Hem Baby Yet,” “Helpem Teenager Bilong Iu Grow Ap Gud,” “Protectim Famili Bilong Iu From Badfela Samting,” and “Iu Savvy Winim Olketa Problem wea Savvy Spoelem Famili.”

For iu kasem copy bilong iu, plis raet insaed information long daon and sendem long address wea fitim long page 5 bilong disfala magasin. Iu bae kasem idea wea savve helpem iu for stretem olketa problem and mekem famili laef hapi long wei wea Creator minim.

□ Sendem kam wanfala copy bilong datfala buk Secret for Kasem Hapi Famili.

□ Plis kam lukim mi for wanfala free hom Bible study.

[Piksa long page 32]

Graciela and famili bilong hem