Wan Mind Long World No Wanfala Dream Nomoa

Wanfala man long Kerala, India, raet long olketa wea pablisim disfala magasin: “Wekap! magasin bilong iufala hem barava difren from evri nara magasin. Mi ting no eni subject hem no storyim. Olketa article wea storyim nature nao mi barava laekem.”

Disfala man explainim wanfala reason why hem laekem Wekap! magasin: “Mi no ting nara magasin stap wea olsem Wekap! long wei for mekem pipol bilong difren kantri ting long olketa seleva olsem olketa brata. No eni nara magasin saportim idea bilong wan mind long world olsem Wekap! duim. Taem mi markem olketa difren magasin wea mi readim, mi no daot hao Wekap! nao hem magasin wea barava helpem man.”

Koment bilong disfala man wea readim Wekap! hem fitim goal bilong disfala magasin wea stap long page 4, wea sei: “Hem no teksaed witim politik and no mekhae long wanfala color skin winim narawan.” Moa important, Wekap! hem mekem olketa wea readim for luk go long Creator for ansarem olketa important kwestin long laef.

Datfala 32-page brochure Wanem Nao God Mas Kasem From Iumi? duim diswan tu. Hem garem 16-fala leson and samfala title bilong olketa hem “Hu Nao God?,” “Wanem Nao Purpose Bilong God for Earth?,” and “Wanem Nao Kingdom Bilong God?” Sapos iu laekem copy bilong disfala brochure, raet long spes long daon and sendem long wanfala address wea fitim long page 5 bilong disfala magasin.

□ Sendem mi copy bilong brochure Wanem Nao God Mas Kasem From Iumi?

□ Plis kam lukim mi for wanfala free hom Bible study.