Wanfala wea Buk Savve Help for Sevem Marit

WANFALA WOMAN WEA NEM BILONG HEM LESLIE, long Louisiana, U.S.A., kasem telephone kol last year from wanfala woman from Tulane University. Datfala woman wea ring kam sei hao Tulane, and nara university tu, duim wanfala survey long olketa hasband and waef long Louisiana wea just marit.

Bihaen hem agree for tekpart long datfala survey, datfala woman kasem wanfala kwestin pepa, raet insaed, and sendem witim wanfala copy bilong Secret for Kasem Hapi Famili. Hem explainim hao hem and hasband bilong hem tufala Jehovah’s Witness and studyim tugeta finis disfala buk for prepare for marit.

Tu-thri week bihaen, hem kasem leta from director bilong datfala survey, wea raet olsem: “Mifala hope olketa hasband and waef olsem iutufala savve teachim mifala wanem nao man needim for mekem marit stap gud and hapi. Wei wea iutufala kam from difren living hem important bikos planti taem diswan nao putim hevi long wanfala marit. Bat wei wea iutufala prepare for marit, especially witim kaen information olsem datfala buk wea iu sendem, bae helpem iu for deal witim eni problem wea kamap. And, tru nao, wei wea religion nao faondeson long marit hem barava important samting. Iufala barava lucky hao iutufala evriwan garem strongfala faith and depend long God for help.

“Mi putim copy bilong datfala buk wea iu sendem antap desk bilong mi, and mi showim long olketa student bilong mi taem olketa askem mi for advaes abaotem marit. Mi nating lukim disfala buk bifor, and hem barava nambawan.”

Mifala biliv hao iu tu bae faendem disfala buk barava gud tumas. For kasem copy bilong iu, plis raetem information long daon and sendem go long address wea stap long daon or address wea fitim long page 5 bilong disfala magasin. Iu bae kasem olketa idea wea savve helpem iu for stretem olketa problem and mekem famili laef kamap hapi olsem Creator wantem for iumi.

□ Sendem kam wanfala copy bilong buk Secret for Kasem Hapi Famili.

□ Plis kam lukim mi for wanfala free hom Bible study.