“Hem Barava Changem Mi”

Hem nao wanem wanfala boy wea hem 12 year wea stap long Virginia, U.S.A., hem raetem abaotem disfala niu buk Learn From the Great Teacher. Hem sei disfala buk teachim hem samfala samting wea hem nating savve or herem bifor. Hem sei olsem:

“Learn From the Great Teacher teachim mi for evritaem lovem God, for story abaotem hem long evriwan, and for story witim hem long prea. Hem lanem mi tu for askem God for helpem and protectim mi. Mi lanem hao eniwan wea lovem God and duim wanem God talem bae stap long Paradaes.

“Hem barava changem mi. Bifor mi savve laea tumas, bat taem mi start for readim disfala buk, mi stop nao. Olketa samting wea mi lanem mekem mi laek readim olketa nara buk olsem diswan. So bae mi hapi for read and kasem moa savve abaotem God.”

Maet bae iu garem sem tingting taem iu readim disfala buk wea 256 page bilong hem sem size olsem page bilong disfala magasin, and hem garem olketa naesfala piksa. Iu tu bae kasem hapi for readim olketa chapter olsem “Jesus Teaches Us to Pray,” “A Lesson on Being Kind,” “The Way to Be Happy,” and “Why We Should Not Lie.” Iu savve kasem wanfala copy taem iu raet long spes and sendem go long address long daon, or long address wea stap klosap long iu long page 5 bilong disfala magasin.

□ Sendem kam wanfala copy bilong buk Learn From the Great Teacher.

□ Plis kam lukim mi for wanfala free hom Bible study.

[Piksa long page 32]

Teachim leson abaotem wei for laea