Hapi for Stap long Earth Olawe!

Mifela printim disfela brochure for helpem iu for savvy hu nao workim earth and evri samting wea stap insaed long hem. Iu bae learnim hao God, wea workim earth, hem garem nem. Disfela brochure bae meanim tu why nao God workim man and hao iu savvy hapi for stap long earth olawe.

Mifela hope olketa piksa bae helpem iu for meanim gud evri samting. For mekem diswan barava helpem iu, iu mas readim olketa Bible scripture wea stap klosap long olketa piksa. Long disfela way, iu bae readim samfela gudfela promis bilong God insaed long Bible, and wanem God hem say iu mas duim for kasem olketa promis hia.

Maet iu laek for iusim disfela brochure for helpem otherfela pipol. Sapos iu garem pikinini, iu savvy iusim for helpem them learn abaotem God. Sapos iu stap long kantri wea planti no savvy read, iu savvy iusim olketa piksa for helpem them meanim olketa purpose bilong God, mekem olketa tu savvy helpem otherfela pipol.

Mifela hope way wea iu studyim disfela brochure bae openem way for iu kasem planti blessing, and for showim long otherfela pipol tu hao they savvy stap long earth olawe.