Waswe, God Bae Finisim No Gud Pipol Moa?

22 Pipol distaem they barava no gud tu. Wanem kaen no gud samting nao they duim long hia?

23 Samfela killim dae nara man. God say iu mas no duim diswan.—Exodus 20:13; 1 John 3:11, 12

24 Samfela they steal. God say iu mas no steal.—Exodus 20:15; Ephesians 4:28

25 Samfela garem planti waef. Samfela stap withim tufela woman or moa, long different haos. And samfela stap tugeta nomata olketa no marit. Evri samting hia againstim Bible.—Matthew 19:4-6; 1 Corinthians 7:1-4; 1 Timothy 3:1, 2

26 Iu remember hao God givim wanfela waef nomoa long Adam?—Genesis 2:22, 24

27 Samfela worshipim idol. God say iu mas no iusim idol or image for worship.—Exodus 20:4, 5; Isaiah 44:9-17; 1 John 5:21

28 Jehovah bae finisim no gud pipol wea no want for change.—Psalm 37:9, 10; Luke 13:5; 1 Corinthians 6:9, 10