Wanem Nao Iu Mas Duim?

50 Waswe, iu want for stap olawe long datfela nicefela paradaes?

Then learnim moa samting abaot wanem God talem. Trae for learn for readim Bible.—John 17:3; Revelation 1:3

51 Learnim moa samting abaotem Jesus.—Deuteronomy 18:18, 19; John 3:16; Acts 3:19-23

52 Trae for duim olketa gudfela samting nomoa and obeyim Jehovah.—Romans 6:17, 18, 22

53 Remember, Jehovah say iumi mas no killim pipol dae.—Exodus 20:13; 1 John 3:11, 12

54 Iumi mas no tekem samting wea bilong narafela man.—Exodus 20:15; Ephesians 4:28

55 Wanfela man mas no stap or sleep withim woman wea no waef bilong hem.—Exodus 20:14, 17; 1 Thessalonians 4:3

56 Iu rememberim haomas waef nao God letem wanfela hasband for garem? Hasband mas stap withim waef bilong hem go kasem wanem taem?—Genesis 2:22, 24; Matthew 19:5, 6; 1 Corinthians 7:2, 10, 11

57 Remember, tu, iumi mas worshipim Jehovah nomoa.—Matthew 4:10; 1 Corinthians 8:6

58 Olketa idol and image no savvy helpem iumi. Why?—1 Corinthians 8:4

Waswe, hem gud for garem idol?—Deuteronomy 27:15; 1 John 5:21

59 Why nao hem no gud for keepim or iusim magic samting?—Deuteronomy 18:10-13; Revelation 21:8

60 Olketa no gud angel or demon go againstim God. They iusim olketa magic pipol for giamanim olketa man.—Acts 16:16

61 Iumi mas pray long God. Prayer hem meanim for story long God, talem hem iumi want for servim hem, and askim hem for helpem iumi.—Philippians 4:6, 7

62 Iumi mas obeyim Jesus and putim faith long hem.—Hebrews 5:9; John 3:16

63 Remember, hem dae for sevem iumi.—Romans 5:8

64 Remember hao Jesus hem King bilong iumi long heven. Iumi mas obeyim hem.—Philippians 2:9-11; Revelation 19:16

65 Jesus say iu mas talem pipol abaotem gudfela samting wea iu learnim, and olketa wea want for servim God mas baptaes.—Matthew 28:19, 20; John 4:7-15

66 So iu savvy talem olketa fren bilong iu abaotem evri gudfela samting hia.—Matthew 10:32

67 Sapos iu learn for read gud, iu savvy learnim planti samting moa and bae iu savvy helpem gud otherfela pipol.—2 Timothy 2:15

68 Jesus teachim olketa smallfela pikinini tu for obeyim God. Hem garem taem for story withim them.—Matthew 19:13-15

69 Dadi and mami mas evritaem teachim pikinini bilong them for obeyim God and love-im hem.—Deuteronomy 6:6, 7; Proverbs 6:20-22; Ephesians 6:4

70 Planti different religion they stap. Planti teaching bilong them no kam from Bible. Jehovah talem iumi for lusim olketa religion wea no teachim trufela samting.—Revelation 18:4; John 4:23, 24

71 Jehovah garem pipol bilong hem long earth wea savvy teachim iu moa samting abaotem hem. Waswe, iu savvy hu nao olketa?—Acts 15:14; Romans 10:14, 15

72 They nao Olketa Witness Bilong Jehovah. They garem peace midlwan long themseleva. Iu savvy why? From they love-im each other.—Isaiah 43:10-12; John 13:34, 35

73 From they love-im Jehovah tu, they baptaes. Long disfela way they showim aot long pablik they lusim no gud fasin bilong them bifor, and want for iusim full laef bilong them for servim God.—Acts 2:41

74 Olketa Witness Bilong Jehovah hope for stap insaed long nicefela niu paradaes.—Psalm 37:9-11, 29

Wanem nao iu savvy duim for stap long there withim olketa?—James 1:22, 25; 2:20-26

75 Join withim them for learn for servim Jehovah. They love-im and obeyim Jehovah and Kraest Jesus. Waswe, iu love-im tufela? Waswe, iu laek for helpem pipol for savvy long God?—John 6:45-47

76 Jehovah and Kraest Jesus love-im iu and wantim iu for stap olawe long paradaes.—John 3:16

Mifela sure samting wea iu learnim from olketa piksa and toktok insaed long disfela brochure hem mekem iu want for stap long earth olawe. Sapos iu laek for savvy moa long diswan, please story withim wanfela Witness Bilong Jehovah long ples bilong iu. Or, iu savvy raet, or askim samwan for raet for iu, long office wea stap klosap long iu, wea show aot long olketa address wea stap long page tu bilong disfela brochure.