Mifala Want for Help

Disfala brochure hem for helpem iu savvy gud long work bilong Olketa Witness Bilong Jehovah and arrangement bilong olketa for helpem iu kasem moa savvy long Bible. Maet samfala Witness Bilong Jehovah visitim iu finis, or maet iu story withim olketa long street or long narafala ples. Maet wanfala Witness hem study withim iu distaem.

Waswe, iu savvy hao olketa talemaot message abaotem Kingdom bilong God evriwea long world? Why nao olsem? Bikos God, Creator bilong iumi, laekem pipol from evri nation for join tugeta for worshipim hem. Hem talem profesi abaotem taem bilong iumi: “Planti pipol bae go and say: ‘Kam, iufala pipol, and letem iumi go ap long maunten bilong Jehovah, long haos bilong God bilong Jacob; and hem bae teachim iumi abaotem way bilong hem, and iumi bae wakabaot long road bilong hem.’”—Isaiah 2:2, 3.

Work wea Olketa Witness Bilong Jehovah duim for talem iu abaotem way bilong God, hem fulfillim disfala profesi. Olketa nextfala page bae showim aot why disfala work hem important distaem and hao iu savvy kasem gudfala samting from diswan.