PART 14

Wanem Nao Iu Savve Duim for Showimaot Iu Faithful Long Jehovah?

Saed witim God. 1 Peter 5:6-9

Wanfala Christian no joinim false religion or olketa samting saed long politik

No join insaed eni samting wea againstim wanem Bible talem. Iu mas no shame and no fraet for duim olsem.

No saedem eni sekson bilong politik bilong olketa kantri. Olketa hia no sapotim Jehovah and Kingdom bilong hem.

Disaedem stretfala samting wea hem nao for followim wanem God hem talem. Matthew 7:24, 25

Man go long meeting long Kingdom Hall, and studyim Bible witim wanfala Jehovah’s Witness

Fren witim Olketa Jehovah’s Witness. Olketa bae helpem iu fren gud witim God.

Gohed for lane abaotem God and traem best bilong iu for obeyim olketa law bilong hem.

Man prea long Jehovah for dedicatem hemseleva and bihaen hem baptaes

Taem faith bilong iu hem kamap strong, iu shud dedicate long Jehovah and baptaes.—Matthew 28:19.

Herem wanem God hem talem. Readim Bible, and askem Olketa Jehovah’s Witness for helpem iu for minim Bible. Then followim wanem iu lanem. Sapos iu duim olsem, iu bae laef olowe. —Psalm 37:29.