Olketa Standard blo Kingdom​—Followim Olketa Samting wea God Sei Hem Stret

IU BAEBAE lo neiba blo iu taem iu wakabaot go pas. For samfala day finis, iu start for lukim hem lukluk followim iu and famili blo iu. Hem baebae kam bak lo iu then give saen for iu go lo hem. Taem iu kasem hem, hem sei: “Mi laek askem wanfala kwestin lo iu. Wanem nao mekem iufala barava difren from olketa narawan?” Iu sei: “Wat nao iu minim?” Hem sei: “Iufala Olketa Jehovah’s Witness, iaman? Iufala no olsem olketa nara pipol. Iufala no olsem olketa nara religion, iufala no join insaed lo olketa celebration, and iufala no join insaed olketa war or politik. Iufala no smoke. And famili blo iu garem olketa naesfala wei. So wat nao mekem iufala difren olsem?”

Iu savve ansa for kwestin hia hem simpol nomoa. Iumi stap anda rul blo Kingdom blo God. From Jesus hem King hem gohed for mekem iumi klin. Hem helpem iumi for followim example blo hem and diswan mekem iumi difren from disfala nogud world. Lo disfala sekson, iumi bae storyim hao Kingdom wea Christ rulim hem gohed for mekem pipol blo God klin saed lo worship, fasin, and insaed lo organization. Evri samting hia hem for mekhae lo Jehovah.