Insaed

PART 1 WHY NAO IU SHUD KAM BAK LONG JEHOVAH?

Olketa faithful wakaman bilong Jehovah long bifor kasem hard taem olsem iumi. Jehovah laekem tumas for helpem olketa, and hem promis for duim sem samting for iumi distaem. Olsem man wea lukaftarem sheepsheep hem tingim and lovem olketa, Jehovah hem lukaotem olketa sheepsheep bilong hem wea lus and invaetem olketa for kam bak long hem.

Part 1 “Mi Bae Lukaotem Sheepsheep wea Lus”

PART 2-4 WANEM NAO SAMFALA SAMTING WEA MEKEM HEM NO ISI FOR KAM BAK?

Nomata olketa wea faithful for worshipim God, samfala taem wei for wari tumas, feel nogud long narawan, or feel guilty hem mekem olketa wikdaon and no gohed for duim olketa spiritual samting. Read abaotem wanem Jehovah duim for helpem olketa kam bak long Hem and long kongregeson, and for hapi moa.

Part 2 Wari—“Staka Hard Taem”

Part 3 Feel Nogud—Taem Iumi “Feel Nogud Long Narawan”

Part 4 Feel Guilty—“Plis Mekem Mi Klin From Sin Bilong Mi”

Part 5 WANEM IU SAVVE DUIM FOR KAM BAK LONG JEHOVAH

Read abaotem olketa samting wea pruvim Jehovah laekem iu for kam bak long hem. Read abaotem samfala Christian wea kam bak long Jehovah, wei wea kongregeson welkamim olketa, and wanem olketa elder duim for helpem olketa kamap strong moa.

Part 5 Kam Bak Long Jehovah wea ‘Lukaftarem and Protectim’ Iu