Conclusion

Waswe, iu ting bak long olketa gudfala taem wea iu enjoyim witim pipol bilong Jehovah olsem wanfala meeting wea encouragem iu, convention wea iu barava enjoyim, naesfala experience long ministry, or naesfala story witim wanfala brata or sista? Iu no forgetim Jehovah, and hem no forgetim iu tu and wei wea iu faithful for duim waka bilong hem. Hem barava laek for helpem iu kam bak long hem.

Jehovah hem sei: “Mi nao bae lukaotem olketa sheepsheep bilong mi and lukaftarem olketa . . . olsem man wea faendem olketa sheepsheep bilong hem and feedim olketa. Mi bae go long olketa ples wea olketa sheepsheep ranawe long hem and tekem olketa kam bak.”—Ezekiel 34:11, 12.