Hambol
Wat nao tingting blo Jehovah abaotem olketa wea hambol and olketa wea praod?
Ps 138:6; Pr 15:25; 16:18, 19; 22:4; 1Pe 5:5
Lukim tu Pr 29:23; Isa 2:11, 12
Story lo Bible wea join witim diswan:
2Ch 26:3-5, 16-21—King Uzziah kamap praod. Hem brekem Law blo God and kros tumas taem hem kasem kaonsel. From datwan, God panisim hem witim leprosy
Lu 18:9-14—Jesus iusim wanfala illustration for explainim hao Jehovah feel abaotem olketa prea blo man wea praod and hambol
Hao nao Jehovah ting lo man wea hambol and changem wei blo hem?
Story lo Bible wea join witim diswan:
2Ch 12:5-7—King Rehoboam and olketa prince blo Judah hambol and acceptim disison blo Jehovah and olketa repent, from datwan Jehovah no finisim olketa
2Ch 32:24-26—Gudfala King Hezekiah kamap praod, bat Jehovah forgivim hem taem hem hambol
Hao nao wei for hambol helpem iumi for fren gud witim olketa narawan?
Eph 4:1, 2; Php 2:3; Col 3:12, 13
Story lo Bible wea join witim diswan:
Ge 33:3, 4—Jacob barava showimaot wei for hambol taem hem meetim brata blo hem Esau wea kros tumas lo hem. From datwan tufala mek peace
Jg 8:1-3—Judge Gideon hambol and talem olketa man blo Ephraim dat samting olketa duim hem winim wanem hem duim, so olketa no laek raoa witim hem nao
Hao nao Jesus Christ teachim iumi abaotem hao wei for hambol hem important?
Mt 18:1-5; 23:11, 12; Mr 10:41-45
Story lo Bible wea join witim diswan:
Isa 53:7; Php 2:7, 8—Olsem profesi talem, Jesus hambol for acceptim assignment blo hem for kam lo earth and dae lo nogud wei
Lu 14:7-11—Jesus storyim example lo sitting arrangement for wanfala marit feast for explainim, hao wei for hambol hem important
Joh 13:3-17—Jesus showimaot example lo wei for hambol taem hem wasim feet blo olketa aposol blo hem