Hem Putim Ring Bak Long Finger Bilong Tufala

“LUKIM olketa finger bilong mi. Waswe, iu lukim eniting hem difren?” Wanfala man showim hand bilong hem long wanfala woman, wanfala Witness Bilong Jehovah, wea luk long finger bilong man hia and stretawe luksavve wedding ring bilong hem no stap nao. Man hia sei hem hard for hem and waef bilong hem for stap tugeta, so tufala disaed for divorce. “Nomoa!” datfala Witness sei. “Tekem disfala buk and readim. Hem bae helpem iu and marit bilong iu.” So datfala woman givim hem wanfala Bible buk, Savvy Wea Lead Go long Laef Olawe.a

Samfala day bihaen disfala man hapi tumas and kam bak long datfala Witness. Hem showim hand bilong hem long woman hia. Distaem hem werem wedding ring bilong hem. Hem talem datfala woman hao hem and waef bilong hem readim datfala Savvy buk, and tufala hapi tumas distaem. Buk hia putim bak olketa ring long finger bilong tufala.

Kaonsel bilong Bible savve helpem wanfala hasband and waef for showim honest love long tufala. Diswan hem bikos Creator nao wan wea raetem Bible wea sei: “Mi, Jehovah, nao God bilong iufala, dat Wan wea teachim iufala for helpem iufala seleva, dat Wan wea mekem iufala followim road wea iufala mas wakabaot long hem.”—Isaiah 48:17.

[Footnote]