Christian Love Winim Toktok Nomoa

TAEM fire bonem haos bilong olketa long Trinidad, Bartholomew famili lusim evri samting bat no laef bilong olketa. Wanfala relative wea stap klosap hem keepim olketa long haos bilong hem, bat story hia no finis long hia.

Olive Bartholomew hem wanfala Jehovah’s Witness, and olketa member long kongregeson bilong hem—witim samfala long olketa area klosap—start for givim donation for buildim bak haos wea Olive and famili bilong hem lusim. Olketa organizem wanfala komiti for lukaftarem datfala building waka, and start for build. Samting olsem 20-fala Witness, witim samfala neiba, nao waka. Samfala young wan tu join, and samfala moa stanbae for givim drink and kaikai.

“Famili bilong mi hapi narawe,” Olive hem sei, olsem Sunday Guardian bilong Trinidad hem reportim. “Famili bilong mi no Witness, and hasband bilong mi sapraes yet long samting hem lukim.”

Taem man wea lukaftarem datfala building waka storyim datfala waka, hem strongim point hao disfala samting wea olketa duim hem mark for luksavve long trufala Christian wei. “Mifala no gogo nomoa long olketa haos for story abaotem love,” hem sei. “Mifala trae for followim wanem mifala preachim.”—John 13:34, 35.

[Piksa long page 32]

Olive Bartholomew witim hasband bilong hem