‘Thankiu Long Olketa Jehovah’s Witness for Freedom Saed Long Religion’

“WANFALA article insaed niuspepa USA Today sei: “Bifor iu satem door long wanfala Jehovah’s Witness, stop and tingim firstaem nogud persecution wea olketa kasem no longtaem go nomoa, and bigfala part wea olketa duim for kasem olketa freedom wea iumi evriwan enjoyim from datfala First Amendment.” Olketa Jehovah’s Witness kasem persecution long United States midolwan 1940 and 1950 from olketa no willing for salutim flag and samfala nara samting moa.—Exodus 20:4, 5.

Samting olsem 30 case bilong Olketa Jehovah’s Witness kam front long U.S. Supreme Court insaed faevfala year midolwan 1938 and 1943. Article hem sei: “From staka taem nao olketa Witness mekem kamap olketa kwestin saed long First Amendment, Justice Harlan Fiske Stone hem raet, ‘Olketa Jehovah’s Witness shud kasem praise from help bilong olketa for stretem olketa legal problem saed long freedom bilong man.’”

So, klosap long end bilong datfala article hem sei: “Evri religion shud thankiu long Olketa Jehovah’s Witness for wei wea freedom [saed long religion] kamap moa big.”

[Olketa Piksa Credit Line long page 32]

Background, building: Photo by Josh Mathes, Collection of the Supreme Court of the United States; left saed long daon, justices: Collection of the Supreme Court of the United States