Bifor Mifala Olsem Wolf—Distaem Mifala Olsem Sheep!

Taem mitufala Sakina smol girl, mitufala neiba. Sakina hem big and strong, bat mi smol and thin nomoa. Evritaem mitufala savve raoa, gogo wanday mitufala insaed wanfala bigfala faet. Start from dat taem, mitufala no savve tok long narawan and sei hello long each other. Gogo, mitufala evriwan muv go long difren ples and no savve wea nao narawan stap.

Long 1994, mi start for studyim Bible witim Olketa Jehovah’s Witness, and isisi fasin bilong mi change. Fofala year bihaen taem mi attendim spesol assembly day bilong mifala long Bujumbura, Burundi, mi seke long Sakina. Mi hapi tumas hem long there, bat wei wea mitufala sei hello nating showimaot eni interest long each other. Bihaen, long datfala semday, mi barava sapraes taem mi lukim hem midolwan olketa niu wan for baptaes! Hem tu barava change. Hem no woman for kros nao wea bifor mi savve raoa olowe witim hem. Hem gud tumas for lukim hem showimaot long pablik pruv bilong dedication bilong hem long God taem hem baptaes long wata!

Taem hem kamap from wata, mi kwiktaem go for hugim hem and tok smol long ear bilong hem: “Iu remember hao iumi tufala faet?” Hem sei: “Yes mi remember, bat datwan pas finis. Mi niu man distaem.”

Mitufala evriwan hapi for faendem truth bilong Bible wea mekem wan mind kamap and changem olketa fasin bilong mifala wea olsem wolf for kamap olsem fasin bilong sheep bilong datfala Bigfala Shepherd, Jehovah God. Tru nao, truth bilong Bible savve changem laef.