“Lukim Iu Long Kingdom Bilong God”

“Dear Fren! Rupert, tuday olketa judgem mi for dae. Iu mas no sorre for mi. Mi sendem love bilong mi for iu and evriwan long haos. Lukim iu long Kingdom bilong God.”

LONG June 8, 1942, Franc Drozg raetem olketa toktok hia no longtaem bifor olketa Nazi soldia sutim hem. Why nao olketa killim hem dae?

Olketa record long Museum of National Liberation long Maribor, Slovenia, sei disfala man for waka witim metal wea hem 38 year hem les for joinim Wehrmannschaft, wanfala sekson bilong army bilong Germany long Solvenia wea stap anda Germany long datfala taem. Hem wanfala Bibelforscher, or Bible Student, hem nao wanem olketa kolem Olketa Jehovah’s Witness long datfala area long datfala taem. From hem followim samting wea Isaiah 2:4 talem, hem no saportim olketa Nazi for faet, hem talemaot hao hem stap anda long kingdom bilong God.—Matthew 6:33.

Long hom taon bilong hem Ptuj, staka savve long Franc olsem man wea strong for talemaot gud nius abaotem Kingdom bilong God. (Matthew 24:14) Nomata hem kasem planti hard taem, hem no wikdaon for preachim gud nius go kasem taem olketa arrestim hem long May 1942.

Planti Witness bilong Jehovah long Slovenia kasem bigfala persecution from olketa Nazi. Franc hem wanfala long olketa first wan wea olketa killim dae from biliv bilong hem. Olsem olketa Christian long first century, hem kasem strong from olketa toktok hia: “Iumi mas go insaed long kingdom bilong God thru long planti trabol.” (Acts 14:22) Wei wea hem biliv hao disfala gavman long heven hem wanfala really samting showaot insaed lastfala toktok bilong hem, “Lukim iu long kingdom bilong God.”

[Olketa Piksa Credit Line long page 32]

Franc Drozg: Photo Archive-Museum of National Liberation Maribor, Slovenia; letter: Original kept in Museum of National Liberation Maribor, Slovenia