Henry VIII and Bible

INSAED buk bilong hem History of the English-Speaking Peoples (Volume 2), Winston Churchill hem raet: “Long saed bilong biliv bilong religion, Reformation hem bringim important change. Bible kasem wanfala niu paoa long wei wea planti pipol acceptim. Genereson wea moa old tingse hem danger for olketa wea nating lanem olketa Holy Raeting for iusim datwan and olketa priest nomoa shud readim.”

Story hia sei moa: “Full Bible wea olketa printim, wea Tyndal and Coverdale transleitim long English, hem kamap for firstaem bihaen autumn bilong 1535, and olketa go ahed for wakem samfala edition. Gavman orderim olketa bigman bilong religion for encouragem Bible-reading.” Bihaen planti handred year bilong wei for no savve long Bible, England kasem savve long Bible, bat diswan kamap from gavman bilong Henry VIII and no church.a

“Olsem moa samting for againstim old genereson hia Gavman givim order long Paris for printim staka English Bible, moa spesol winim eni edition bifor, and long September 1538 hem komandim evri church long datfala kantri shud baem wanfala barava big size Bible volume long English, for putim insaed evri church, mekem pipol wea go long church savve readim. Olketa putim sixfala copy long St Paul’s Cathedral, long Taon bilong London, and olketa sei hao long full day planti pipol hipap long datfala church for readim, especially taem olketa savve faendem eni man wea garem bigfala voice for read big.”

Sorre tumas, long planti kantri, planti pipol nating mekius long privilege bilong olketa for readim Bible evritaem. Diswan mekem bigfala wari kamap, from Bible nomoa “hem kam from God and hem gud for teach, for givim kaonsel, for stretem evri samting, for givim discipline long raeteous fasin.”—2 Timothy 3:16.

[Footnote]

[Piksa Credit Linelong page 32]

Henry VIII: Painting in the Royal Gallery at Kensington, from the book The History of Protestantism (Vol. I)