Datfala Barava Important Taem Long History

HEM nao dae bilong Jesus Christ. Why nao hem barava important? For samfala reason.

Wei wea Jesus hem stap faithful go kasem dae bilong hem pruvim hao olketa man savve keepim faithful fasin long God.

Dae bilong Christ hem givim chance for samfala rul witim hem long heven. And tu hem openem wei for planti million pipol for enjoyim laef olowe long wanfala paradaes earth.

Long datfala evening bifor hem dae, Jesus iusim bred wea no garem yeast and red wine wea piksarem loving sakrifaes bilong hem olsem man. And hem talem olketa disaepol bilong hem: “Go ahed for duim olsem for rememberim mi.” (Luke 22:19) Waswe, bae iu rememberim disfala important taem?

Olketa Jehovah’s Witness barava invaetem iu for joinim olketa for celebratem disfala Memorial bilong dae bilong Jesus. Disfala year date for celebratem hem Thursday, March 28, bihaen sun hem go daon. Iu savve attendim long Kingdom Hall wea stap klosap long ples bilong iu. Plis chek witim Olketa Jehovah’s Witness for barava taem and ples.