Diswan Hem Invitation . . .

Waswe, God Kontrolem Evri Samting Yet?

OLKETA natural disaster, barava nogud sik, terrorist attak, war, criminal fasin, wei wea olketa bigman raverave. Iumi herem diskaen nius klosap evriday. Nomata olketa samting hia affectim iu or nomoa, diswan savve mekem man for laek savve long future bilong world and sapos eni hope for hem kamap gud moa.

For helpem man minim datwan, Olketa Jehovah’s Witness bae givim wanfala pablik tok wea barava fitim, wea bae kamap insaed winim 200 kantri long world. Datfala pablik tok garem title, “Waswe, God Kontrolem Evri Samting Yet?” Datfala tok hem abaotem samting wea God talem and olketa promis bilong hem wea stap insaed Word bilong hem, Bible, wea stret evribit abaotem olketa important kwestin hia:

Waswe, God interest long olketa samting wea happen long earth?

Wanem nao tingting bilong hem abaotem olketa man?

Waswe, hem interest long samting wea happen long laef bilong iu?

Klosap evri ples, datfala tok bae kamap long Sunday, April 30, 2006, long Kingdom Hall bilong Olketa Jehovah’s Witness. Olketa Witness long ples bilong iu bae willing for talem iu taem and ples wea datfala pablik tok bae kamap.

Mifala hapi for invaetem iu for kam herem disfala free tok wea kam from Bible wea savve encouragem man and givim ansa wea mekem man satisfae abaotem disfala kwestin: Waswe, God Kontrolem Evri Samting Yet?