Invitation for Wanfala Spesol Tok

Iu Savve Feel Sef Insaed World wea Fulap Witim Trabol!

Disfala Bible tok bae kamap insaed winim 230 kantri evriwea long world. Long plande ples, datfala tok bae kamap long Sunday, April 15, 2007. Wanem nao bae iu lanem? Olsem example, ting raonem diswan:

Wanem nao mekem plande billion pipol evriwea long world no feel sef?

Wei for man feel sef hem finis long wanem taem?

Wea nao ples wea man savve really feel sef and hao nao for kasem datwan?

Kam lisin long disfala important Bible tok wea bae kamap long staka thousand ples and kasem ansa for olketa kwestin antap. Long staka ples, datfala tok bae olketa givim long Kingdom Hall bilong Olketa Jehovah’s Witness. Olketa Witness long ples bilong iu bae hapi for talem iu taem and ples wea datfala tok bae kamap. Mifala hapi tumas for invaetem iu for kam herem disfala Bible tok wea bae encouragem man and wea barava fitim taem bilong iumi.