For Young Pipol

No Letem Eni Samting Switim Iu

JOSEPH​—PART 1

Hao for duim: Duim disfala project long ples wea kwaet. Taem iu readim olketa scripture, tingim olsem iu long there. Lukim olketa samting wea happen. Herem olketa wea story and minim feeling bilong olketa.

Pipol long disfala story: Joseph, waef bilong Potiphar

Main point: Waef bilong Potiphar switim Joseph for durong, bat Joseph no durong witim hem.

1 TING RAONEM SAMTING WEA HAPPEN.—READIM GENESIS 39:1-12.

Iu tingse Potiphar garem wanem kaen haos?

․․․․․

Long tingting bilong iu, hao nao lukluk bilong Joseph? (Readim moa verse 6.)

․․․․․

Long verse 8 and 9, hao nao feeling bilong Joseph taem hem story long waef bilong Potiphar?

․․․․․

2 DUIM RESEARCH.

Wanem nao maet mekem hem isi for Joseph durong witim waef bilong Potiphar? (Readim Philippians 2:12, and ting raonem diswan: Waswe, eniwan long famili bilong Joseph or eni narawan wea worshipim Jehovah stap long there long datfala taem?)

․․․․․

Long tingting bilong iu, hao nao Joseph luksavve adultery hem wanfala sin, nomata long datfala taem God no talem yet eni law for no duim adultery? (Readim and ting raonem olketa scripture hia: Genesis 2:24; 12:17, 18; Romans 2:14, 15; and Hebrews 5:14.)

․․․․․

3 FOLLOWIM SAMTING WEA IU LANEM. RAETEM WANEM IU LANEM ABAOTEM . . .

Hao wei for kontrolem seleva savve helpem iu for feel gud abaotem iuseleva.

․․․․․

Hao man savve kasem olketa gud samting sapos hem obeyim olketa law bilong God.

․․․․․

Why hem important for lane for “luksavve long wanem hem stret and wanem hem no stret.” (Hebrews 5:14)

․․․․․

NARA WEI FOR FOLLOWIM WANEM IU LANEM.

Waswe, iu savve tingim samfala nara wei for no letem eni samting switim iu for durong? (Readim and ting raonem Job 31:1; Psalm 119:37; Ephesians 5:3, 4.)

․․․․․

4 WANEM NAO MAIN SAMTING WEA IU LANEM FROM DISFALA STORY, AND WHY NAO OLSEM?

․․․․․

Sapos iu no garem Bible, askem Olketa Jehovah’s Witness for wanfala Bible, or readim long Internet long www.watchtower.org