Olketa Reminder for Memorial

Iumi bae celebratem Memorial bilong disfala year long Thursday, March 24. Olketa elder shud tingim olketa samting hia:

◼ Taem iu markem taem for meeting, mek sure for pasim raon bred and wine bihaen sun go daon.

◼ Speaker and evriwan shud savve long taem and ples for celebratem Evening Kaikai Bilong Lord.

◼ Shud redim stretfala kaen bred and wine.—Lukim February 15, 2003, Wastaoa, pp. 14-15.

◼ Putim olketa pleit, kap, wanfala tebol and kaleko for tebol long ples wea olketa shud stap fastaem bifor meeting hem start.

◼ Shud klinim gud fastaem Kingdom Hall or eni nara ples for meeting.

◼ Chusim olketa attendant and olketa wea bae karem pleit bred and kap wine. Olketa shud kasem instruction saed long stretfala wei for duim assignment bilong olketa. Lukluk and kaleko bilong olketa brata hia shud klin and showimaot respect.