Olketa Brochure for Pipol wea Religion Bilong Olketa No Christian
“Look! I Am Making All Things New”
Maet iu sei olsem long wanfala man wea Buddhist:
“Iu tu maet wari olsem mi abaotem staka dirty idea wea kamap distaem and wei wea diswan affectim olketa pikinini bilong iumi. Why nao wei for duim dirty fasin hem kamap moa big midolwan olketa young pipol? [Letem hem story.] Waswe, iu savve hao insaed long wanfala buk wea stap fastaem bifor Muslim, Christian, and Hindu religion start, hem talem profesi abaotem datwan? [Readim 2 Timothy 3:1-3.] Nomata iumi gohed for lanem staka moa samting, evri samting hia hem gohed nomoa. [Readim verse 7.] Disfala buk hem helpem mi for savve long truth wea plande pipol nating savve. Hao iu laek readim?”—km 8/99 p. 8.
Our Problems—Who Will Help Us Solve Them?
Iu savve sei olsem long wanfala young wan bilong Hindu religion:
“Iu wanfala wea biliv long God. Long tingting bilong iu, wanem nao plan bilong God for iumi? [Letem hem ansa. Then readim Genesis 1:28.] Long staka ples, earth hem fulap long staka pipol and staka problem. Waswe, iu tingse Creator bae willing for stretem olketa problem bilong iumi?” Letem hem ansa. Then askem man sapos hem laek readim brochure.—km 9/99 p. 8.
The Guidance of God—Our Way to Paradise
Taem iu story witim man long Muslim religion, maet iu sei:
“Mi hapi for meetim man wea hem wanfala Muslim. Mi savve hao olketa Muslim biliv long wanfala tru God and long evri profet. Waswe, hem tru? [Letem hem ansa.] Mi laek storyim long iu wanfala profesi from taem bifor kam abaotem wei wea earth bae kamap wanfala paradaes. Hem olraet for mi readim for iu samting wea profet hia raetem? [Letem hem ansa. Then readim Isaiah 11:6-9.] Disfala toktok mekem mi tingim toktok from Koran wea stap insaed disfala brochure.” Open long page 9, and readim toktok wea stap long raeting wea moa blak. Sapos iu lukim hem interest, storyim paragraf 7-9 long nara page.—km 11/99 p. 8.