Niu Circuit Assembly Program

Long olketa last part bilong disfala nogud world, hem barava important for keepim spiritual kaleko bilong iumi and for protectim wei wea iumi Christian. (Rev. 16:15) Dastawe, hem barava fitim for circuit assembly program for 2006 service year garem theme “Werem Olsem Kaleko Datfala Niufala Fasin.”—Col. 3:10.

Fasfala Day: Tok wea garem thrifala part long datfala day bae garem title, “Showimaot Olketa Difren Part Bilong Niufala Fasin.” Disfala tok bae mekhae long wei wea datfala niufala fasin savve helpem iumi long evri part long laef. Hao nao iumi savve mekem grow datfala niufala fasin? Tufala last tok long datfala day bae storyim datwan, and title bilong olketa hem, “Disciplinem Iuseleva for Ting Raonem Samting Long Gudfala Wei” and “Education wea Sheipim Niufala Fasin.”

Mek-tu Day: Mek-tu tok wea garem thrifala part, “Garem Tongue Bilong Wisefala Man,” bae storyim wei wea niufala fasin hem affectim hao iumi iusim tongue bilong iumi. Theme bilong pablik tok hem, “Waswe, Iu Win for Againstim Datfala Wicked Wan?” Datfala tok bae strongim need for iumi redi evritaem for olketa trik bilong Satan. Tufala last tok long assembly, “No Kamap Dirty From Disfala World” and “Mekem Man wea Hem Iumi Long Insaed Hem Kamap Niu Moa Evriday,” bae helpem iumi for stap klia long olketa fasin wea againstim olketa raeteous wei bilong God and for gohed strong long worship bilong iumi for Jehovah.

Iumi luk forward for kasem encouragement for followim and keepim niufala fasin!