Offerim Hapi Famili Buk Long Evri Pipol
1 Wanfala boy from California wea 11 year talem hao hem tinghae long disfala buk, Secret for Kasem Hapi Famili. Hem raet olsem: “Mi thankiu for diswan, and mi encouragem olketa nara famili for readim disfala buk bikos hem nambawan. Hem . . . helpem famili bilong mi for garem peace and hapi.” Experience bilong disfala young boy shud encouragem iumi for offerim Hapi Famili buk long evriwan, nomata olketa young wan tu.
2 Taem iu meetim wanfala young wan, iu savve sei olsem:
◼ “Plande wea sem age olsem iu garem tingting for marit. Bat wea nao iu savve kasem stretfala information abaotem disfala subject? [Letem hem ansa.] Plande taem young pipol sei olketa no sure sapos olketa redi for marit. Mi laek showim iu wanem disfala buk hem talem abaotem disfala subject.” Readim paragraf 3 long page 14 insaed Hapi Famili buk. Then showim each subheding long datfala chapter. Talem donation arrangement, and arrange for duim return visit.
3 Taem iu story long wanfala dadi or mami, iu savve sei olsem:
◼ “Mifala sharem witim olketa dadi and mami samfala barava gudfala advaes for trainim olketa pikinini. Olketa advaes hia stap long disfala buk Secret for Kasem Hapi Famili.” Open long page 55. Readim paragraf 10 then Deuteronomy 6:6, 7, long paragraf 11. Then showim olketa sentence wea stap long italic raeting long paragraf 12 go kasem 16. Talem hem tu: “Disfala buk hem helpem plande dadi and mami for win long wei for trainim gud olketa pikinini. Sapos iu laek for readim, mi bae hapi for iu tekem diswan.”
4 Taem iu story long wanfala olo, iu savve sei olsem:
◼ ““Bihaen mi readim lelebet toktok hia, plis talem mi tingting bilong iu.” Openem Hapi Famili buk long page 169, and readim tufala first sentence bilong paragraf 17. Then askem tingting bilong hem. For fitim ansa wea hem talem, iu savve readim samfala toktok moa from buk bifor iu talem donation arrangement.
5 Taem iu duim return visit long eniwan wea tekem Hapi Famili buk, trae for startim wanfala Bible study. Iu savve start long Leson 8 long Kasem brochure or chapter 15 long Savvy buk. Taem iu duim olsem, trae for helpem evriwan wea iu meetim, nomata olketa olo or young, for garem famili wea followim Christian wei and wea hapi.