Theocratic Ministry Skul Review

Kongregeson bae ansarem olketa kwestin hia long Theocratic Ministry Skul long week wea start long December 31, 2007. Skul overseer bae conductim wanfala 30-minute review long information wea kamap insaed olketa assignment start long week bilong November 5 go kasem December 31, 2007.

OLKETA POINT KAONSEL

1. Olketa wanem point nao iumi shud tingim for kasem gudfala conclusion? [be-SP p. 221 par. 1–4]

2. Wanem nao iumi need for duim for mek sure iumi talem stretfala samting long field ministry? [be-SP p. 223 par. 2-4]

3. Long olketa tok wea iumi givim long olketa kongregeson meeting, hao nao iumi savve showimaot iumi luksavve long waka bilong kongregeson olsem “wanfala post wea sapotim truth”? (1 Tim. 3:​15) [be-SP p. 224 par. 1-4]

4. Why nao hem gud tumas for lukluk gud long samting wea iumi talem for mek sure hem tru wan, and hao nao iumi savve duim diswan? [be-SP p. 225 par. 1-2]

5. Taem iumi teach, hao nao maet iumi mekem information bilong iumi hem isi for olketa narawan minim? [be-SP p. 226 par. 3–p. 227 par. 1]

TOK NO. 1

6. Wanem nao pruvim story bilong Jonah hem tru? [bsi07-SP p. 18 par. 3]

7. Wanem profesi bilong Micah nao hem join witim wei wea Christ Jesus hem rul olsem King long Kingdom bilong God? [bsi07-SP p. 20 par. 18]

8. Wanem nao pruvim buk bilong Habakkuk hem kam from God? [bsi07-SP p. 23 par. 4]

9. Why nao olketa Jew wea kam bak from wei for prisoner long 520 B.C.E. no duim yet samting wea olketa shud duim? (Hag. 1:4) [bsi07-SP p. 27 par. 3]

10. Wanem nambawan day nao Zechariah staka taem story abaotem? [bsi07-SP p. 30 par. 26]

BIBLE READING EVRI WEEK

11. Profesi bilong Joel abaotem attak bilong olketa insect hem fulfill long wanem wei long first century, and hao nao hem fulfill distaem? (Joel 2:​1-​10, 28) [w07-SP 11/1 “Toktok Bilong Jehovah Hem Laef​—Olketa Main Point From Buk Bilong Joel and Amos”]

12. Wanem nao “basket wea fulap witim frut wea redi long hot season” hem showimaot? (Amos 8:​1, 2) [w07-SP 11/1 “Toktok Bilong Jehovah Hem Laef​—Olketa Main Point From Buk Bilong Joel and Amos”]

13. Long wanem wei nao Jehovah ‘feel sorre for wei wea hem talemaot bae hem distroem olketa long Nineveh,’ and hao nao diswan shud affectim iumi? (Jonah 3:​10) [w03-SP 7/15 pp. 17-​18]

14. Wanem nao hem minim for wakabaot long nem bilong Jehovah? (Mic. 4:5) [w03-SP 8/15 p. 17 par. 19]

15. Long wanem taem and hao nao Jehovah hem kam long “temple” bilong hem for judgment long taem bilong iumi? (Mal. 3:​1-3) [re p. 32 box; jd p. 179 par. 3–p. 181 par. 6]