Announcement

◼ Literature for May: Olketa Wastaoa and Awake! magasin. Iumi mas go lukim pipol wea kam long Memorial and spesol pablik tok bat wea no hipap witim kongregeson evritaem. Iumi go for lukim olketa hia for startim Bible study. June: Wanem Nao Really Samting wea Bible Teachim? or Bible Story Buk Bilong Mi. Taem iufala go long farawe ples for preach, iufala savve iusim buk Knowledge That Leads to Everlasting Life or Savvy wea Lead Go Long Laef Olawe sapos kongregeson hem garem. Trae for startim olketa Bible study. July and August: Wanem Nao God Mas Kasem From Iumi? and Bible Story Buk Bilong Mi.

◼ Plis tingim, bae iumi no givimaot pepa for askim pipol for kam long distrik convention long 2008. Bat mifala plan for iumi bae duim wanfala spesol waka evriwea long world. Bae mifala talem kam samfala samting moa long diswan bihaen.