Announcement

◼ Literature for June: Wanem Nao Really Samting wea Bible Teachim? or Bible Story Buk Bilong Mi. Taem iumi go long farawe ples for preach, iumi savve iusim buk Knowledge That Leads to Everlasting Life or Savvy wea Lead Go Long Laef Olawe sapos kongregeson hem garem. Trae for startim olketa Bible study. July and August: Wanem Nao God Mas Kasem From Iumi and Bible Story Buk Bilong Mi. September: Wanem Nao Really Samting wea Bible Teachim? Trae for startim Bible study long firstaem iu meetim man. Sapos eniwan wea iu story witim garem finis datfala buk, showim hem hao datfala buk savve helpem hem, and hao for duim Bible study.

◼ From August garem faevfala Saturday and faevfala Sunday, hem gudfala month for auxiliary pioneer.

◼ Samwan wea presiding overseer markem mas duim audit long accounts bilong kongregeson for March, April, and May. Taem audit hem finis, announcem long kongregeson bihaen iufala readim nextfala accounts report.​—Lukim Olketa Instruction for Kongregeson Accounts (S-27-SP).

◼ Olketa application for regular pioneer waka mas kasem branch office 30-fala day bifor date wea pablisa markem for startim pioneer waka bilong hem. Secretary mas chekim gud application pepa wea datfala pablisa raetem. Sapos pablisa no savve long barava date wea hem baptaes, hem mas tingim date wea klosap long datwan, raetem long eni pis pepa, and keepim gud. Secretary mas raetem datfala date long Congregation’s Publisher Record (S-21) card.