Wanem for Talem Abaotem Olketa Magasin

Wastoa Apr-June

“Waswe, iu tingse God hapi long evri religion? [Weit for hem ansa.] Hem gud for savve wanem nao God duim taem olketa Israelite followim religion bilong pipol wea stap raonem olketa. [Readim Ezekiel 6:6.] Page 9 long disfala magasin storyim disfala kwestin, ‘Waswe, Iumi Savve Worshipim God Long Eni Wei Nomoa?’” Lukim story long page 9.

Awake July

“Staka hapitaem distaem mekhae long olketa samting bilong devil. Long tingting bilong iu, waswe, hem gud nomoa for laekem olketa samting bilong devil? [Weit for hem ansa. Bihaen, readim Deuteronomy 18:10-12.] Long hia hem storyim wanem Bible talem abaotem olketa nogud samting bilong devil.” Showim story wea start long page 10.

The Watchtower Aug. 1

“Olketa samting wea spoelem earth mekem staka pipol for tingse earth hem gogo for nogud. Wanem nao tingting bilong iu abaotem diswan? [Weit for hem ansa. Bihaen, readim Psalm 37:11.] Disfala magasin hem storyim samfala toktok from Bible wea savve mekem iumi garem hope.”

Awake Aug.

“Staka pipol tingse global warming bae spoelem laef long disfala earth. Long tingting bilong iu, hao nao iumi savve finisim disfala problem? [Weit for hem ansa. Bihaen, readim Isaiah 11:9.] Disfala magasin storyim why iumi savve biliv pipol bae gohed stap long disfala earth.”