Wanem for Talem Abaotem Olketa Magasin

Wastoa Jul-Sept

“Wea nao iu ting iumi savve kasem gudfala advaes taem iumi laek for mekem eni important disison? [Weit for hem ansa. Readim Proverbs 3: 5, 6.] Disfala magasin storyim hao iumi mas ting raonem samting wea savve kamaot from wanem iumi disaedem.” Storyim toktok long Page 8.

Awake! Aug.

“Waswe, iu ting olketa gavman bae duim eni gud samting for stopem wei wea earth kamap hot? [Weit for hem ansa. Then readim Jeremiah 10:23.] Iu bae hapi for savve long samting wea disfala magasin hem storyim. Hem talem wanem God bae duim for stopem olketa samting wea spoelem earth bilong iumi distaem.”

The Watchtower Sept. 1

“Staka pipol savve long toktok bilong Jesus long Matthew 6:9. [Readim.] Bat samfala sei hem hard for savve gud long God olsem wanfala Dadi. Long tingting bilong iu, hao nao iumi savve fren gud witim God? [Weit for hem ansa.] Disfala magasin storyim staka gudfala wei bilong Dadi bilong iumi long heven and hao for savve gud long hem.”

Awake Sept.

“For staka handred year, staka raoa abaotem wanem nao kasem man bihaen hem dae. Wanem nao tingting bilong iu? [Weit for hem ansa.] Job garem disfala tingting abaotem dae. [Readim Job 14:14, 15.] Disfala magasin storyim samting Bible talem abaotem wanem nao happen long iumi taem iumi dae.”