Wanem for Talem Abaotem Olketa Magasin

Wastoa Jul-Sept

“Long tingting bilong iu, wea nao iumi savve kasem gudfala advaes taem iumi laek for mekem eni important disison? [Weit for hem ansa. Readim Proverbs 3:​5, 6.] Disfala magasin storyim hao iumi mas ting raonem samting wea savve kamaot from wanem iumi disaedem.” Storyim datfala story long page 8.

Awake Sept.

“Long tingting bilong iu, waswe, hem plan bilong God for world no garem inaf kaikai mekem pipol safa? [Weit for hem ansa.] Lukim plan bilong God for stretem diswan. [Readim Psalm 72:16.] Disfala magasin storyim hao God baebae mekem disfala earth for kamap Paradaes.” Showim story long page 7.

The Watchtower Oct. 1

“Long disfala taem wea seknomoa samting hem change, staka warim samting wea bae happen. Wanem nao savve helpem iu for tingim gudfala samting evritaem? [Weit for hem ansa.] Lukim disfala promis long Bible. [Readim Isaiah 65:17.] Disfala magasin storyim olketa gudfala reason for iumi tingim gudfala samting wea bae happen.”

Awake Oct.

“Internet hem gudfala samting, bat hem savve danger for olketa pikinini. Long tingting bilong iu, hao nao iumi savve protectim olketa pikinini? [Weit for hem ansa.] Herem disfala tingting. [Readim and storyim Proverbs 18:1.] Diswan nao wanfala long sixfala toktok wea Bible talem wea disfala magasin mekhae long hem for helpem olketa dadi and mami protectim pikinini.” Showim story long page 8.