Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long February 23, 2009. Skul overseer bae duim disfala 20-minute review wea storyim olketa samting wea kamap long olketa assignment start long week long January 5 go kasem February 23, 2009.

1. Hao nao God mekem laet kamap long firstfala day sapos hem wakem sun, moon, and olketa star long mek-foa day? (Gen. 1:​3, 16) [w04 1/1 p. 28 par. 5]

2. Why nao Noah cursim Canaan? (Gen. 20-25) [w04 1/1 p. 31 par. 2]

3. Wanem taem nao Covenant bilong Abraham hem start, and go kasem wanem taem? (Gen. 12:​1-4) [w04 1/15 p. 26 par. 4; w01 8/15 p. 17 par. 13]

4. Wanem nao showimaot Nimrod and olketa wea followim hem no kasem ‘bignem’ wea olketa plan for kasem? (Gen. 11:4) [w98 3/15 p. 25]

5. From Lot hem man wea duim stret samting olsem 2 Peter 2:7 talem, why nao hem sei for givim tufala gele bilong hem long rabis pipol? (Gen. 19:8) [w05 2/1 p. 26 par. 15-​16; w04 1/15 p. 27 par. 3]

6. Wanem nao wanfala hasband and waef savve lanem from wei wea Abraham stretem problem wea Hagar and Sarah garem abaotem Ishmael? (Gen. 21:​10-​14; 1 Thess. 2:13) [w06 4/15-E p. 6 par. 5-8]

7. Wanem nao wanfala story long Bible wea showimaot God herem olketa prea? (Gen. 24:​12-14, 67) [w08 2/15 p. 3 par. 4]

8. Wanem nao dream wea Jacob lukim abaotem olketa angel wea ‘go ap and kam daon followim ladder’ hem minim? (Gen. 28:​10-​13) [w03 10/15 p. 29 par. 1; it-2 p. 189]

9. Why nao Rachel hem laek tumas for kasem samfala mandrake wea Leah kasem from boy bilong hem? (Gen. 30:​14, 15) [w04 1/15 p. 28 par. 7]

10. Hao nao story abaotem Dinah showimaot hem danger for fren witim pipol long disfala world? (Gen. 34:​1, 2, 19) [w04 10/15 p. 21 par. 6; p. 22 par. 5]