Announcement

◼ Buk for iusim long June: Wanem Nao Really Samting wea Bible Teachim? July and August: Gavman wea Bae Mekem Earth Kamap Paradaes brochure witim tract Waswe, Iu Garem Spirit wea No Savve Dae? September: Wanem Nao Really Samting wea Bible Teachim?

◼ Wanfala spesol waka for givimaot brochure Gavman wea Bae Mekem Earth Kamap Paradaes, bae kamap long July and August. Olketa kongregeson mas givim order distaem.

◼ Long lastfala Service Meeting bifor “Gohed for Lukaot!” Distrik Convention, talem eni announcement abaotem convention wea fitim kongregeson bilong iufala. Iusim need bilong kongregeson part, wan or tu month bihaen convention, for reviewim samfala point wea helpem olketa pablisa long preaching.

◼ Taem iu plan for go long nara kantri wea mifala no raetem long last service year report or no stap long last page long niufala Yearbook, plis raet long branch office long kantri bilong iu for savve wanem for duim and no duim long datfala kantri. Maet gavman tambuim preaching waka long datfala kantri. (Matt. 10:16) Long samfala kantri, hem no fitim man wea kam for lelebet taem for visitim olketa brata and sista or kongregeson. Branch maet talem tu sapos hem olraet for iu preach enitaem or nomoa, and sapos hem olraet for karem samfala buk bilong iumi or nomoa. Iu bae no kasem staka problem and spoelem preaching waka taem iu followim wanem branch talem.​—1 Cor. 14:​33, 40.