Wanem for Talem Abaotem Olketa Magasin

Wastaoa October-December

“Plande pipol tingse evri gud pipol bae go long heven. Hem nao wanem iu bilivim? [Weit for hem ansa.] Lukim wanem Bible talem abaotem disfala earth. [Readim Psalm 37:11, 29.] Disfala magasin showimaot samting wea Jesus teachim abaotem future bilong olketa man long disfala earth.” Showim story wea start long page 22.

Awake! August

“Sorre wea iumi kasem taem dadi or mami dae savve winim eni nara nogud samting wea kasem iumi. Waswe iu agree? [Weit for hem ansa.] Plande kasem comfort from olketa Bible scripture olsem. [Readim Revelation 21:4.] Disfala magasin bae helpem iumi and olketa young pipol for deal witim bigfala sorre wea iumi kasem.” Showim story wea stap long page 10.

The Watchtower September 1

“Samfala sei, sapos iu faithful long God, bae hem givim iu staka richfala samting bat sapos iu poor datwan showimaot God hem no hapi long iu. Wanem nao tingting bilong iu? [Weit for hem ansa.] Tingim diswan, Jesus hem no wanfala man wea rich. [Readim Luke 9:58.] Disfala magasin storyim olketa blessing wea olketa wea worshipim God bae kasem.”

Awake! September

“Waswe, iu tingse olketa young pipol distaem feisim hard taem winim olketa year wea go pas finis? [Weit for hem ansa.] Long tingting bilong samfala, scripture hia hem barava fitim taem bilong iumi. [Readim 2 Timothy 3:1.] Disfala magasin givim samfala advaes from Bible for helpem olketa mami and dadi and olketa young wan.”