Announcement

◼ Buk for iusim long October: Wastaoa and Awake! magasin. Sapos pipol interest for savve moa, offerim and storyim disfala tract Waswe, Iu laek for Savve Long Tru Samting? November: Wanem Nao Really Samting wea Bible Teachim? December: Nambawan Man Wea Winim Evri Otherfela Man. Sapos eni pikinini stap long haos, offerim Lane From Datfala Nambawan Teacher. January: Wanem Nao Really Samting wea Bible Teachim?

◼ Spesol pablik tok for 2010 bihaen Memorial bae kamap long April 12. Bae iumi herem theme bilong disfala tok bihaen. Olketa kongregeson wea bae garem circuit visit or assembly long datfala weekend bae garem spesol tok bilong olketa long week bihaen. Olketa kongregeson mas no garem disfala tok bifor April 12.