Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long October 26, 2009.

1. Waswe, man hem kasem sik bikos hem duim samting wea no stret? (John 5:14) [w08 4/15 p. 30]

2. Wanem nao hem minim for man garem ‘laef long hemseleva’? (John 5:26; 6:53) [w08 4/15 p. 31]

3. Taem Jesus chusim Judas Iscariot for kamap disaepol, waswe, hem savve finis man hia bae givim hem go long olketa enemy? (John 6:64) [w08 4/15 p. 31]

4. Long wanem wei nao Numbers 31:27 savve encouragem olketa Christian distaem? [w05 3/15 p. 24]

5. Hao nao arrangement bilong God for olketa taon for man stap sef hem helpem pipol long Israel? (Num. 35:11, 12) [w95 12/1 p. 12 par. 17]

6. Hao nao iumi savve kamap “olketa son bilong laet”? (John 12:36) [w08 4/15 p. 32]

7. Taem Jesus sei bae hem “redyim wanfala ples” long heven for olketa wea faithful for followim hem, wanem nao bae hem duim? (John 14:2) [w08 4/15 p. 32]

8. Storyim stret wei and rong wei for testim Jehovah, olsem Deuteronomy 6:​16-​18 hem storyim. [w04 9/15 p. 26]

9. Taem Jesus storyim datfala man wea givim hem go long Pilate, waswe, Jesus minim Judas Iscariot? (John 19:11) [w08 4/15 p. 32]

10. Why nao Jesus talem Mary Magdalene for no holem hem? (John 20:17) [w08 4/15 p. 32]