Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long June 28, 2010. Skul overseer bae duim disfala 20-minute review wea storyim olketa samting wea kamap long olketa assignment start long week long May 3 go kasem June 28, 2010.

1. Wanem nao iumi savve lanem from wei wea David hem sorre taem Abner dae? (2 Sam. 3:​31-​34) [w05 5/15 p. 17 par. 6; w06 8/1 p. 15 par. 9-​10]

2. Taem Israel faet witim olketa Moabite, haomas Moabite nao olketa killim dae? (2 Sam. 8:2) [w05 5/15 p. 17 par. 3]

3. Bihaen olketa killim dae Ish-bosheth, haomas taem nao go pas bifor David kamap king long full Israel? [w05 5/15 p. 17 par. 2]

4. Hao nao samting wea David duim long Mephibosheth showimaot hem kaen tumas, and hao nao datwan shud affectim iumi? (2 Sam. 9:7) [w02 5/15 p. 19 par. 5]

5. Wanem nao iumi savve lanem from wei wea King David fren gud witim Ittai wea hem wanfala Gittite? (2 Sam. 15:​19-​22) [w09 5/15 pp. 27-​28]

6. Hao nao iumi savve pruvim from Bible samting wea Ziba talem abaotem Mephibosheth hem no tru? (2 Sam. 16:​1-4) [w02 2/15 pp. 14-​15 par. 11, ftn.]

7. Taem David askem Barzillai wea hem 80-year for kamap part long kot bilong hem, why nao Barzillai laekem Chimham for duim datfala waka? (2 Sam. 19:​33-​37) [w07 6/1 p. 26 par. 13]

8. From Jehovah hem hambol, hao nao datwan mekem David nambawan? (2 Sam. 22:36) [w04 11/1 p. 29]

9. Why nao Adonijah trae for kamap king taem David hem laef yet? (1 Ki. 1:5) [w05 7/1 p. 28 par. 5]

10. Why nao Jehovah ansarem prea bilong Solomon wea hem askem wisdom and wei for luksavve? (1 Ki. 3:9) [w05 7/1 p. 30 par. 2]