Announcement

◼ Buk for iusim long August: Eni 32 page brochure wea stap long bukrum. September: Wanem Nao Really Samting wea Bible Teachim? Trae for startim Bible study. October: Olketa Wastaoa and Awake! magasin. Sapos man interest, offerim disfala tract Waswe, Iu Laek for Savve Long Tru Samting? and trae for startim study. November: (Spesol Waka): The Bible​—What Is Its Message? Bihaen iumi bae savve moa long wanem for duim abaotem disfala brochure wea iumi bae iusim evriwea long world.

◼ Start long September, olketa circuit overseer bae givim pablik tok wea garem title “No Lukluk Long Olketa Iusles Samting!”

◼ Olketa Reminder for Distrik Convention

Taem Bilong Program: Long thrifala day hia, program bae start long 9:20 a.m. Taem chairman announcem music bae start, iumi evriwan shud sidaon, mekem evriwan redi taem program hem start. Program bae finis long 4:55 p.m. long Friday and Saturday, and long 3:40 p.m long Sunday.

Donation: Iumi savve showimaot iumi tinghae long diswan taem iumi willing for givim donation for waka evriwea long world long Kingdom Hall bilong iumi or long taem bilong convention. Sapos eniwan laek givim eni cheque, hem mas raetem payable to “Jehovah’s Witnesses.”

Accident and Emergency: Sapos eniwan needim help saed long medical, plis lukim wanfala attendant wea bae stretawe talem First Aid, mekem olketa wea garem savve saed long diswan lukluk long hem and givim help wea fitim.

Volunteer Service: Iumi savve barava hapi sapos iumi help long eni department. (Acts 20:35) Sapos iu laek for help, plis go lukim Volunteer Service Department long convention. Olketa pikinini wea no kasem 16 year savve help tu sapos olketa waka witim dadi or mami or witim narafala full-grown man.