Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long February 28, 2011. Skul overseer bae duim disfala 20-minute review wea storyim olketa samting wea kamap long olketa assignment start long week long January 3 go kasem February 28, 2011.

1. Wanem waka nao Hezekiah duim taem hem start for rul, and hao nao iumi savve followim hem distaem? (2 Chron. 29:16-18) [w09 6/15 p. 9 par. 13]

2. Long wanem wei nao 2 Chronicles 36:21 mekhae long wei wea profesi long Jeremiah 25:8-11 kamap tru? [w06 11/15 p. 32 par. 1-4]

3. Long wanem wei nao Ezra 3:1-6 sapotim seventi year wea Jerusalem mas stap emti hem end long barava taem wea Bible talem? [w06 1/15 p. 19 par. 2]

4. Why nao Ezra seke fogud taem hem savve wei wea pipol maritim pipol long nara ples? (Ezra 9:1-3) [w06 2/1 p. 6 par. 1]

5. Hu nao “olketa hae class wan,” and wanem wei bilong olketa nao iumi shud no garem? (Neh. 3:5) [w06 2/1 p. 30 par. 1; w86 2/15 p. 25]

6. Hao nao olketa Christian overseer savve followim gudfala wei bilong Governor Nehemiah? (Neh. 5:14-19) [w06 2/1 p. 30 par. 1; si p. 90 par. 16]

7. Olsem olketa Israelite long taem bilong Nehemiah, wanem iumi savve duim for no forgetim “haos bilong God” long distaem? (Neh. 10:32-39) [w98 10/15 pp. 21-22 par. 12]

8. Wei for ting raonem laef bilong Nehemiah bae mekem iumi askem wanem kwestin? (Neh. 13:31) [w96 9/15 p. 17 par. 3]

9. Waswe, Esther durong witim King Ahasuerus? (Esther 2:14-17) [w06 3/1 p. 5 par. 3]

10. Why nao Mordecai nating willing for baodaon long Haman? (Esther 3:2, 4) [w06 3/1 p. 5 par. 4; it-2 p. 431 par. 7]