Announcement

◼ Buk for iusim long March: Wanem Nao Really Samting wea Bible Teachim? Traem best for startim olketa Bible study. April and May: Olketa Wastaoa and Awake! magasin. Offerim buk Wanem Nao Really Samting wea Bible Teachim? taem iumi duim olketa return visit long pipol wea interest and wea kam long Memorial or olketa narafala hipap, bat wea no hipap evritaem witim iumi long olketa meeting. Trae for startim Bible study long datfala buk. June: Wanem Nao Really Samting wea Bible Teachim? Sapos haosholder garem finis datfala buk, pablisa savve offerim eni 192-page buk wea old or eni buk wea olketa printim bifor 1995.

◼ Taem iumi preach long samwan wea story long Chinese languis, showim disfala smol buk Gud Nius for Pipol Bilong Evri Nation and letem hem chusim sapos hem laek for readim Chinese (Traditional) (CH) languis or Chinese (Simplified) (CHS) languis. Staka taem pipol long Hong Kong or Taiwan laek for readim olketa buk long Chinese (Traditional) (CH) languis, bat olketa from China laek for readim Chinese (Simplified) (CHS) languis. Taem olketa interest for lukim eni video or lisin long eni kaset, tingim languis wea fitim olketa. Pipol from China and Taiwan minim Chinese (Mandarin) (CHM) languis, bat pipol from Hong Kong olketa minim Chinese (Cantonese) (CHC) languis.