Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long April 25, 2011. Skul overseer bae duim disfala 20-minute review wea storyim olketa samting wea kamap long olketa assignment start long week long March 7 go kasem April 25, 2011.

1. Long wanem wei nao “plande pipol bilong datfala land sei olketa nao olketa Jew”? (Esther 8:17) [w06 3/1 p. 7 par. 3]

2. Why nao Jehovah letem Satan kam front long hem? (Job 1:6; 2:1) [w06 4/1 p. 13 par. 6; it-2 p. 16 par. 4]

3. Wanem nao tingting bilong waef bilong Job taem hem talem hasband bilong hem for tok spoelem God and dae? (Job 1:7; 2:2) [w06 4/1 p. 14 par. 3]

4. Why nao wei wea iumi savve “heart bilong [Jehovah] hem wise and hem garem strong paoa” mekem iumi for trustim hem? (Job 9:4) [w07 6/1 p. 17 par. 16; it-2 p. 1190 par. 3]

5. Long wanem wei nao toktok wea Eliphaz talem wea sei man “wea laekem olketa samting wea no raeteous hem olsem man wea laek drinkim wata,” hem showimaot tingting bilong Satan? (Job 15:16) [w10 2/15 p. 20 par. 1-2]

6. Wanem nao Job minim taem hem talem disfala toktok long Job 19:20, “Mi ranawe witim skin bilong teeth bilong mi”? [w06 4/1 p. 14 par. 13]

7. Wanem nao mekem Job gohed faithful long Jehovah? (Job 27:5) [w09 4/15 p. 6 par. 17]

8. Hao nao iumi savve followim wei bilong Job for helpem pipol taem olketa garem need? (Job 29:12, 13) [w02 5/15 p. 22 par. 19; w94 9/15 p. 24 par. 2]

9. Hao nao Job hem olsem man wea “drinkim toktok for spoelem man olsem wata”? (Job 34:7) [w06 4/1 p. 15 par. 15]

10. Hao nao wei for ting raonem olketa nambawan waka bilong Jehovah affectim iumi? (Job 37:14) [w06 4/1 p. 16 par. 4]