Wanem for Talem

For Startim Bible Study long First Saturday long September

“Iumi evriwan garem olketa famili member or fren wea dae finis. Wanem nao tingting bilong iu, waswe, iumi savve story witim man wea dae finis? [Weit for hem ansa.] Lukim disfala naes toktok.” Readim and storyim information anda long mek-thri heding long page 17 long July-September, Wastaoa and wanfala scripture long datfala sekson. Offerim magasin and markem taem for go bak and storyim ansa bilong next kwestin.

The Watchtower August 1

“Waswe, olketa pikinini shud lane abaotem God taem olketa smol, or hem gud for olketa weit go kasem taem olketa big bifor olketa seleva savve disaed which religion nao olketa laek followim? [Weit for hem ansa.] Lukim samting wea Bible talem olketa dadi for duim. [Readim Ephesians 6:4.] Disfala magasin hem garem samfala idea wea dadi and mami savve iusim for lanem olketa pikinini abaotem God.”

Awake! August

“Wanem nao tingting bilong iu abaotem disfala verse? [Readim 1 Samuel 16:23.] Olsem disfala verse talem, music wea man herem savve affectim hem. Waswe, iu tingse samfala singsing savve mekem man for duim olketa nogud samting? [Weit for hem ansa.] Disfala magasin storyim nao wanem iu savve duim for chusim olketa gudfala music and wanem iu savve duim for helpem pikinini bilong iu tu for duim sem samting.”