Wanem for Talem

For Startim Bible Study Long First Saturday Long October

“Distaem iumi lukim staka niu religion kamap. Long tingting bilong iu, waswe, wanfala religion nomoa hem tru?” Weit for hem ansa. Then givim hem Wastaoa bilong October-December and storyim firstfala heding long page 16 and readim wan or tufala scripture wea stap. Offerim magasin and markem taem for go bak and storyim ansa bilong next kwestin.

The Watchtower September 1

Showim kava bilong magasin and sei olsem: “Wanem nao tingting bilong iu abaotem disfala kwestin? [Weit for hem ansa.] Lukim wanem Bible talem. [Readim 1 John 5:19.] Hem sei wicked wan, or Satan nao rulim disfala world. So diswan mekem iumi laek for savve: Hu nao mekem Devil? Waswe, hem wanfala really man? Hao long nao God bae letem hem for rul? Disfala magasin storyim wanem Bible talem.”

Awake! September

“Distaem, staka pipol wari bikos olketa no garem inaf selen. Why nao iu tingse hem no isi for pipol kasem wanem olketa needim? [Weit for hem ansa.] Bible garem samfala gud advaes wea savve helpem staka pipol for iusim gud selen wea olketa garem. [Readim wanfala long olketa scripture wea stap long page 8 and 9.] Disfala magasin garem samfala gud idea for helpem olketa wea garem kaon.”