Announcement

◼ Buk for iusim long November: The Bible—What Is Its Message? or eni 32 page brochure wea stap long buk rum. December: Nambawan Man wea Winim Evri Otherfela Man. Sapos eni pikinini stap long haos, offerim Lane From Datfala Nambawan Teacher. January: Wanem Nao Really Samting wea Bible Teachim? Trae for startim study long firstaem iu meetim man. Sapos haosholder garem finis disfala buk, and no laekem Bible study, pablisa savve offerim eni old magasin or brochure wea man interest long hem. February: Secret for Kasem Hapi Famili or eni old magasin or brochure wea man interest long hem.

◼ Sapos iu sendem cheque go long branch office for donation for waka raonem world, raetem “Jehovah’s Witnesses of the Solomon Islands Trust Board” long datfala cheque. Address long branch office hem Jehovah’s Witnesses of Solomon Islands, PO Box 166, Honiara, Solomon Islands.

◼ Long week bifor distrik convention iufala savve changem lelebet schedule for service meeting for storyim samfala reminder abaotem convention. Wan or tufala month bihaen long convention, long need bilong kongregeson part, iufala savve reviewim olketa point long convention wea olketa pablisa iusim wea helpem olketa long ministry.

◼ Evri kongregeson shud trae for startim olketa Bible study long firstfala Saturday long evri month. Long pablik Wastaoa hem garem article “Lanem Wanem Bible Talem” wea bae helpem olketa pablisa for duim diswan. Last page long Kingdom Ministry Bilong Iumi bae garem samfala idea long wanem for talem, and wanfala idea for startim Bible study long firstfala Saturday.