Theocratic Ministry Skul Review

Iumi bae storyim olketa kwestin hia long Theocratic Ministry Skul long week wea start long December 26, 2011.

1. Taem iumi kasem praise hao nao datwan savve mekem iumi hambol? (Prov. 27:21) [w06 10/1 p. 17 par. 12]

2. Wanem nao iumi shud tingim bifor iumi prea? (Eccl.5:2) [w06 11/1 p. 4 par. 13]

3. “Wei for fraet long trufala God” bae stopem iumi for duim wanem samting? (Eccl. 5:3-7) [w06 11/1 p. 4 par. 14]

4. Wanem nao hem minim taem Bible hem sei “samting wea eye hem lukim” hem moabeta winim “wei for soul hem wakabaot”? (Eccl. 6:9) [w06 11/1 p. 5 par. 1]

5. Wanem samting nao man savve kasem sapos hem tingse hem “barava raeteous”? (Eccl. 7:16) [w10 10/15 p. 9 par. 8-9]

6. Hao nao Song of Solomon 2:7 showimaot olketa wea tingting for marit olketa wise taem olketa no kwiktaem for chusim samwan for maritim? [w06 12/1 p. 23 par. 8; w80-E 4/15 p. 19 par. 7]

7. Wanem nao mining bilong toktok ‘honeycomb ran daon long lips’ bilong Shulammite gele and ‘honey and milk stap andanit long tongue bilong hem’? (Song of Sol. 4:11) [w06 12/1 p. 24 par. 5]

8. Why nao iumi barava interest long hao datfala profesi abaotem Babylon wea “no eniwan bae stap long hem moa” kamap tru, and hao nao diswan helpem iumi distaem? (Isa. 13:19, 20) [g 11/07-E p. 9 par. 4-5; bh p. 23-25 par. 13-17]

9. Wanem taem nao Jesus kasem “key bilong David” and hao nao hem iusim datwan? (Isa. 22:22) [w09 1/15 p. 31 par. 2]