Announcement

◼ Buk for iusim long April: Olketa Wastaoa and Awake! magasin. Taem iu duim return visit offerim Wanem Bible Teachim buk or sapos hem fitim offerim brochure, Followim Toktok Bilong God or Followim Toktok Bilong God Mekem Iu Laef Olowe. Trae for startim Bible study. May and June: Iusim eni tract hia: Iu Savve Kam, Waswe, Iu Laek for Savve Long Tru Samting?, Why Yu Savvy Trustim Bible, Wanem Nao Olketa Jehovah’s Witness They Bilivim?, Laef Long Peace insaed Wanfela Niu World, Wanem Hope for Olketa Wea Yumi Love-im Wea Dae Finis?, Waswe, World Bae Go Ahed for Stap?, Comfort for Pipol wea Feel Sorre, Enjoyim Famili Laef, Hu Nao Really Rulim World?, Jehovah Hem Hu Nao?, Jesus Christ Hu Nao Hem?, Waswe, Iu Laek for Savve Moa Abaotem Bible?, Wei for Safa Klosap Finis Nao! Sapos haosholder interest, showim hao for duim Bible study long Wanem Bible Teachim buk or long brochure, Followim Toktok Bilong God or Followim Toktok Bilong God Mekem Iu Laef Olowe. July: Gud Nius From God brochure or eniwan long olketa brochure hia: Gavman wea Bae Mekem Earth Kamap Paradaes, Iu Savve Kamap Fren Bilong God!, Followim Toktok Bilong God or Followim Toktok Bilong God Mekem Iu Laef Olowe. Trae for startim Bible study.

◼ Long week bifor distrik convention iufala savve changem lelebet schedule for service meeting for storyim moa olketa reminder abaotem convention wea stap long schedule long week bilong April 22. Wan or tufala month bihaen long convention, long need bilong kongregeson part, iufala savve reviewim olketa point long convention wea olketa pablisa iusim wea helpem olketa long ministry.

◼ Sapos iu plan for go long nara kantri and iu laek for go long distrik convention, iu savve faendem samfala information abaotem datwan long www.jw.org Web site. Go long “Abaotem Mifala” then clickim “Olketa Convention.”