Wanem for Talem

For Startim Bible Study Long First Saturday Long August

“Klosap evriwan wea mifala story witim sei olketa laekem world for garem peace. Nomata olsem, staka war gohed. Long tingting bilong iu, why nao hem hard tumas for world garem peace?” [Weit for hem ansa.] Showim haosholder page 15 bilong July-August Wastaoa, and storyim ansa for firstfala kwestin and readim wan or tufala scripture. Offerim olketa magasin, and arrange for go bak for storyim mek-tu kwestin.

Iusim disfala idea for duim demonstration long taem bilong field service grup long August 3.

Wastaoa July-August

“Mifala laek for savve long tingting bilong iu abaotem disfala scripture. [Readim 1 John 4:8.] Staka pipol sei datfala toktok hem tru, bat olketa narawan sei God no tingim iumi bikos hem letem natural disaster for happen. Wanem nao tingting bilong iu? [Weit for hem ansa.] Disfala magasin storyim why iumi shud no tingse God no tingim iumi.”

Awake! July

“Staka samting happen distaem wea hem no stret. Samfala savve march taem narawan duim samting wea no stret and datwan affectim olketa. Long tingting bilong iu, waswe, pipol wea march savve stretem olketa nogud samting wea happen? [Weit for hem ansa.] Bible hem storyim samting wea bae stretem olketa nogud samting wea happen long iumi. [Readim Matthew 6:9, 10.] Disfala magasin bae storyim sapos pipol wea march savve stretem olketa nogud samting wea happen.”