Wanem for Talem

For Startim Bible Study Long First Saturday Long January

“Staka pipol tingse olketa bae go long heven, olsem Jesus promisim long samfala. Long tingting bilong iu, wanem nao bae olketa duim long there?” [Weit for hem ansa.] Showim haosholder article long page 16 bilong January-February Wastaoa magasin. Storyim paragraf andanit long first subheding and readim wan or tufala scripture. Offerim olketa magasin and arrange for go bak and storyim mek-tu kwestin.

Wastaoa January-February

“Long tingting bilong iu, wanem nao samting wea pipol savve talem abaotem God wea no tru? [Weit for hem ansa.] Bible showimaot God laekem pipol for lovem and trustim hem. [Readim Isaiah 41:13.] Disfala magasin storyim thrifala laea teaching abaotem God wea mekem hem hard for pipol lovem hem.”

Awake! December

“Staka pipol bilivim wanem olketa herem long nius and readim long niuspepa. Bat waswe, iu tingse olketa nius wea iumi kasem hem evritaem stret and tru? [Weit for hem ansa.] Bible sei hem gud for no trustim evri samting wea iumi herem. [Readim Job 12:11.] Disfala magasin savve helpem iumi for luksavve sapos wanem iumi herem and readim hem stret.”